أخبار مميزة

عضو سابق بجمعيه رساله بدمياط يتهم الجمعيه بالفساد – صوت الناس

نشر عضو سابق بجمعية رساله بدمياط شهاده له علي صفحات الفيس بوك متهما الجمعيه بالفساد ، حيث اكد انه كان يعمل بالجمعيه عضو مالي بها حيث ادلي بشهادته حول سير العمل بالجمعيه قائلا :

(( جمعية رسالة دمياط…
اولاً وقبل اي شئ هي مش تابع رسالة القاهره الي فروعها ف كل المحافظات هي بس واخده نفس الاسم بنفس اللوجو …
ثانياً ميجيش 5% بس من التبرعات الي بتروحلهم بتخرج للمحتاجين و الباقي للعاملين عليها (بس مش كلهم زباله علشان ابقي بقول كلمة الحق ) بس اغلبهم يعني ف حدود 90%
انا متطوع فيها بقالي سنتين ونص تقريبا واشتغلت معاهم فتره من سنة وكنت مسؤل طبق الخير لحد انهرده لحد مفقدت الامل اننا نقدر نغير حاجه ف المنظومه الفاسده دي
من فتره كان مرفوع عليهم قضية من الشؤن و لما الشؤن كسبت وبعتوا مجلس اداره جديد علشان يمسكها مدام نسرين كلمت مديرة الفرع يقفلوا الجمعية و الجمعية فضلت مقفوله 10 ايام وتقريبا عملوا نقض و شوية رشاوي و بتنجان وكسبوها
و بأيدي مودي طابعة (جهاز طابعة) لمكتب ف الشؤن الاجتماعية ع موتسكل مع مندوب واكيد مش مودينها مكتب الراجل يصلحوها يعني
وشوفت بعيني اثاث جديد لوكس و اثاث لسه خشب بيتباعوا بنص الثمن و بربع التمن و يقولولك احنا بنبيعه و نساعد الناس بالفلوس تفتكر المتبرع مكنش يعرف يبيعه بتمن اكبر ويديهولك تبرع هو عطيلك الحاجه دي علشان تكون لعروسه محتاجه وبيتنقلوا من المخازن بتاعت رساله بعربية ربع نقل تخص اخو مدير حسابات الجمعية
وشوفت بعيني برضو اثاث قديم مكسر بيوزعوه للحالات عيني
وشوفت وجبات من طبق الخير بتتاخد علشان الاستاذه الموظفه مطبختش انهرده
وشوفت سواقين عربيات بياخدوو حجات من التبرعات الي بيلموها و مبيكتبوهاش ف الوصولات علشان متتثبتش
نظام غبي واداره عقيمه كفايا ان رئيس مجلس الاداره مراته الامين العام و بنتها مديرة ادارة المتطوعين الي هي اصلا ف السنتين ونص شوفتها ف الجمعيه 10 مرات او اقل
واهتمامهم بالتصوير اكتر من الحالات
تعرفوا ان طبق الخير اتعطل ساعتين علشان مش لاقيين حد يتصور وهو بيوزعوا ودول الساعتين الي حضرتهم يمكن ميكونش راح للناس اصلا مين يعرف وكل ده علشان امينة متطوعين متخلفه عقلياً فاكره انها جمعية تصوير لو بتركز ف التنظيم زي التصوير والله كان الوضع بقي احسن
طفشتوا موظفين ومتطوعين
وكل المتطوعين الي عندكم دلوقت الي هم ميجوش 5 لسه ميعرفوش حقيقتكم…
وانا اوعدكم هلف ع كل متبرع احكيله الي شوفته بحق الله
احنا حاولنا نخلي المكان احسن بس السرطان متفشي فيه معدتش ينفعه علاج بس احنا الي اغبية استوعبنا متأخر
اه ونسيت حاجه مهمه بيقولوا هنوزع ف القافله كذااا 500 وجبة غذائية والف شنطه و كساء 5000 شخص و 100 مشروع و ارقام فلكية احنا بنطلع القافلة
اولا مبيبقاش معانا ولا وجبة غذائية حرفياً ولا وجبة
ثانياً بيبقي معانا ف حدود 20 شوال ملابس او اقل وبيبقي فيهم كتير هالك بس الانسه امينة المتطوعين شايفه انهم مش لاقيين فنديهم اي حاجه
ثالثاً احنا اكتر تعبئة شنط حضرته من يوم مجيت رساله كانوا 75 شنطه و غالباً بيبقي 25 ل 50 شنطه
و المشاريع بيبقي معانا من 3 ل10 مشاريع وبيبقوا مكن خياطه وهالكانين وسعات محتاجين تصليح
و مش عايز اتكلم ع معاملتهم للحالات الي هم الناس الغالبانه
عايزين ايه من منظمة خيرية يوم ما جابت كاميرات مراقبة حطيتها ف الاستقبال والمساعدات وسابوا الحسابات و المخازن من غير كاميرات….

ولو حد عايز يكذبني يتفضل …
رساله عناوين فرع دمياط
رساله دمياط الجديدة
رساله فارسكور
#متعة_التصوير
#وشكراً
ايه راي حضرتك فالكلام ده ده كلام متطوع من الجمعيه
منقول
وانا كنت مندوب مالي فيها و الكلام دا صحيح ))

 IMG_20171216_132630

 

مقالات ذات صلة

إغلاق